Skip to content Skip to sidebar Skip to footer

Lirik Lagu Virus Papua - Harus Berhenti

Lirik Lagu " Harus Berhenti " dari Virus Papua  Kunjungi Link Diatas Untuk Melihat Lirik Lagu Tersebut. Ingin Menontonya Atu Membelinya lewat bisa media digital resmi seperti Google Play Music, Apple Music dan iTunes, Amazon, Qobuz, Joox, Langit Musik, Spotify, Deezer, KKBOX

Semakin jauh ko dari sa pu genggaman
Mungkin kah ko pu Hati su ada yang tahan
Sa mencari ko tambah pergi
Terus menanti ko tra kembali

Haruskah sa trus bertahan
Dan berdiri di belakan
Ko dan dia yang bahagia
Baru sa setengah mati deng luka

Semua su lain su tra sama
Ko pun bermain dengan cinta
Hingga semua harus berenti
Su cukup sa trakan harap lebih

Sa sesali su bertemu deng ko
Dan mencari pelangi untuk ko
Mungkin kah sa hanya tempat berteduh
Sehabis hujan ko pergi dan berlalu

Rap:
Susah dihati du tara konsen
Lepas ko pergi jadikan momen
Inikah akhir dari cerita
Biarkan habis tanpa berita

Semua sa kasih penuh ceria
Dengan berjanji akan setia
Tapi berakhir deng sia-sia
Karna ko egois ko pilih dia

Sumpah sa janji tra akan
Berharap tuk koi kembali
Su cukup lah sampai disini
Dan tra akan berharap lebih

Mungkin deng pisah
Akan mengubah semua luka
Jadi bahagia
Dan buat sa lebih dewasa

-
Pelukan ko pake tutupi
Rasa cinta yang ko kasih
Selama sa deng ko hadapi
Sa tra rasakan yang masih

Kurang diantara hubungan
Yang sudah tong lewati
Sa hanyut didalam rasa
Yang tra penuh dengan hati

Ko berikan itu sepenuhnya
Ko kasih sa cinta yang utuh
Ko mainkan itu tanpa ko sadari
Rasa yang hampir terjatuh

Sa terpuruk
Saat sa egois mulai terbentuk
Sa tersudut
Sejak sa lihat dia ko peluk

*
Semua su lain su tra sama
Ko pun bermain dengan cinta
Hingga semua harus berenti
Su cukup sa trakan harap lebih

Sa sesali su bertemu deng ko
Dan mencari pelangi untuk ko
Mungkin kah sa hanya tempat berteduh
Sehabis hujan ko pergi dan berlalu

Rap:
Dengan sa menyesali
Kenapa bisa ko sa kenali
Awalnya indah sa akui
Namun berakhir semua yang di lalui

Dan Sa su salah
Taruh harapan ke ko
Semua tak berarti
Sa harus pergi dari ko

Lebih dan kurang semua kenangan
Yang pernah terluka sa akan lupakan
Jika tra bisa bertahan
Deng cinta sa harus relakan

Because you nothing love me
Maka semua berahkir
I want to stay with me
Mungkin tra bisa karna takdir

Biarkan habis tertutup waktu
Cinta yang indah sa su rapuh
Walaupun itu sa masih butuh
Tapi tolong su tra bersatu

Karna semua cinta
Telah ko ubah jadi derita
Dulu disebut kita
Tapi su hilang hanyalah kata

*
Usailah sudah sampai disini
Cukup sa pamit dan harus pergi
Karna tra bisa koi temani
Cinta yang indah telah ko bagi

Mungkin sa salah taruh harapan
Hingga berakhir deng penyesalan
Sa jaga cinta ko yang bemain
Mungkin ko hati untuk yang lain

Post a Comment for "Lirik Lagu Virus Papua - Harus Berhenti "